Hakerat iranianë godasinë sërish. Mbrëmjen e djeshme, më 20 nëntor, grupi Homeland Justice (Drejtësia e Atdheut) kanë bërë publike dy dosje, atë të nën Drejtorit të Shërbimit Informativ të Shtetit, Oljan Kanushi (që ushtron kompetencat e drejtorit pas largimit të Helidon Bendos) dhe të Drejtorit të Përgjithshëm të Policisë së Shtetit, Muhamet Rrumbullaku.
Në dosjen me 7 faqe (836 KB) janë nxjerrë të gjitha pasaportat e Rrumbullakut si dhe të dhënat e anëtarëve të familjes së tij.
Ata kanë publikuar edhe hyrje-daljet e kreut të Policisë së Shtetit, përfshirë dhe fluturimet.
Dosja e Kanushit përbëhet nga 13 faqe (1 MB) dhe ka në përmbajtje edhe hyrje-daljet e tij nga Shqipëria.
Publikimi i dosjeve është shoqëruar me një mesazh kërcënues: “Ne jemi më afër jush sesa shpirtrat tuaj. Në vend që të zëvendësoni zyrtarët e institucioneve të korruptuara qeveritare, mendoni për reformimin e strukturës korruptive. Çdo lëvizje dhe intervistë e drejtuesve të MEK në Shqipëri e vende të tjera, do të ketë një çmim të rëndë për popullin shqiptar”.
Më herët hakerat iranianë kanë publikuar emrat e drejtuesve dhe shefave të sektorëve në Shërbimin Informativ Shtetëror (SHISH).
Po ashtu ata publikuan dhe të dhënat e ish-drejtorit të Policisë së Shtetit Gledis Nano dhe të kryeministrit Edi Rama.
Që prej vitit 2021, Shqipëria ka rënë pre e sulmeve kibernetike. Një sulm kibernetik u shënua më 15 korrik të këtij viti, që bllokoi të gjitha faqet zyrtare shtetërore dhe platformën e shërbimeve online e-Albania.
Ndërkohë, më 14 shtator u sulmua sistemi TIMS në të gjitha pikat kufitare të vendit. Për këto sulme Shqipëria ka fajësuar Iranin dhe ka ndërprerë marrëdhëniet diplomatike me këtë shtet.
j.l./ dita
shtet i falimentuar nga te gjitha anet
Sikur ti maresh te gjitha bashke skandalet e SALI KRIMINELIT ,ky eshte skandali me i madh i kohrave ,asnje doreheqje asnje arestim ,por vetem justifikime nga lieri yne i madh .Shteti siguria kombetare gjithshka kane falimentuar me ne krye Ramutin