Policia e Lezhës ka arrestuar 28-vjeçarin Nikoll Sherrniku, i akuzuar si i përfshirë në vrasjen e ish-efektivit Xhuliano Prela dhe shok i Brilant Martinajt, i cili u vra në atentatin e mbikalimit të Fushë Krujës pak kohë më parë.
Autoritetet njoftojnë se ai ka thyer masën “arrest shtëpie” dhe i është gjetur brenda automjetit të blindur tip “Toyota” një kallashnikov me fishekë në fole gati për qitje. Gjithashtu, është arrestuar dhe drejtuesja e mjetit 34 vjeçarja, Flutura Berisha, e cila ka tentuar të fshehë armën e zjarrit.
Sipas Policisë, bazuar në hetimet e deritanishme lindin dyshime se lëvizja e Nikoll Sherrnikut dhe Flutura Berishës me automjetin e blinduar, në role të ndryshme, ishte për të realizuar një ngjarje kriminale. Për shkak të ruajtjes së sekretit hetimor, nuk bëhen të ditura të dhëna të tjera në lidhje me rastin.
“Shërbimet e Policisë, pasi kanë lokalizuar automjetin tip “Toyota”, të parkuar në afërsi të një pallati në Kune, Shëngjin, kanë ndërhyrë për të neutralizuar shtetasit që ndodheshin në automjet, të cilët, sapo kanë parë shërbimet e Policisë duke u afruar, kanë dalë menjëherë nga automjeti dhe kanë tentuar të largohen me vrap. Gjatë tentativës për t’u larguar Flutura Berisha (drejtuesja e automjetit), ka tentuar njëkohësisht që të fshehë edhe një armë zjarri, në afërsi të vendit ku automjeti ishte i parkuar. Arma e zjarrit kallashnikov, së bashku me krehër e me fishek në fole, është gjetur më pas nga shërbimet e Policisë.” thuhet në njoftimin e autoriteteve.
Në automjet, së bashku me Nikoll Sherrnikun dhe Flutura Berishën, të dy banues në Kurbin, ka qenë edhe një i mitur 15 vjeç.
Gjatë kontrollit në automjet, uniformat blu kanë gjetur një krehër automatiku me fishekë në të, ndërsa gjatë kontrollit të ushtruar në çantën e dorës së Flutura Berishës, janë gjetur dhe dy radio marrëse–dhënëse, si ato të Policisë.
Nikoll Sherrniku ishte nën masën e sigurisë “arrest shtëpie” në lidhje me implikimin e tij në ngjarjen e ndodhur në dhjetor 2021, ku mbeti i vrarë me armë zjarri ish-punonjësi i Policisë, shtetasi Xhuliano Prela.
Policia ka sekuestruar në cilësinë e provës materiale 1 automatik, 2 krehëra me fishekë në to, 2 radio marrëse – dhënëse si të Policisë, si dhe automjeti i blinduar me të cilin lëviznin këta shtetas.
Nikoll Sherrniku akuzohet për veprat penale “Mbajtja pa leje e armëve, armëve shpërthyese dhe municionit” dhe “Largimi i të burgosurit nga vendi i qëndrimit”. Ndërsa, Flutura Berisha akuzohet për veprat penale “Moskallëzimi i krimit” dhe “Veprime që pengojnë zbulimin e së vërtetës”.
Vijon puna hetimore për zbardhjen dhe dokumentimin e plotë të kësaj ngjarjeje, si dhe për identifikimin dhe vendosjen para përgjegjësisë ligjore të të gjithë personave të implikuar.
Materialet procedurale iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme.
a.m/dita
Pjesmarres ne vrasjen e Policit, dhe gjykata e mban ne arrest shtepie.
Keto Gjykata duhen hedhur ne ere.
Ky eshte kriminel,
Mbase rastesisht ajo femra e ka mbiemrin e te mallkuarit Berisha, por une di qe Shkelzen Berisha dhe Ervis Martinaj jane kusherinj, Ervis Martinaj qe sot gjoja eshte zhdukur, i ka kryer shume sherbime familjes Berisha.
Me se fundi keto organizata kriminale po ju dalin kembet, aktiviteti.
Te gjithe keta kane aktivitet kryesor drogen, sepse duke qene ilegal , i ndjekur nga policia vec kete pune mund te besh.
Po si ka mundesi qe e lene ne arest shtepie??? Te gjendet gjyqtari qe e ka dhene kete vendim dhe te zhduket nga sistemi drejtesise!!! Plera qe stimulojne krime te tjera.
Gjygjtarit i ben nder ta zhdukesh nga sistemi drejtesise, une them ta zhdukesh nga faqja dheut se e moren nqafe kte popull kta bandite me kostumin e gjygjtarit.