Deputeti i Partisë Socialiste, Fatmir Xhafaj deklaroi ditën e sotme se ministria e Drejtësisë dhe Këshilli i Lartë Gjyqësor janë në shkelje të rëndë të ligjit. Lidhur me situatën e krijuar në sistemin e drejtësisë për hartën e re gjyqësore, Xhafaj tha se ka dy javë që nuk po zhvillohen gjyqe në vend pasi njerëzit janë në pritje të avokatëve. Po ashtu, ai kërkon një seancë me ministrinë për të sqaruar situatën që është krijuar në vend.
“Prej ditësh ka një grevë totale të avokatëve. Përtej asaj se çfarë mendon ministria e Drejtësisë dhe Këshilli i Lartë Gjyqësor ne jemi këtu përfaqësues të qytetarëve. Jemi ne që duhet ti bëjmë presion. Edhe ministria edhe KLGJ janë në shkelje të rëndë të ligjit. U bë dy javë që nuk ka gjyq. Njerëzit presin avokatët. Situatës që kemi ne në sistem i shtojmë edhe faktorë të kësaj natyre.
Nuk kanë lidhje momentet që bëjnë institucionet me seancën dëgjimore. Ky debat që bëjmë ne këtu mund të bëjë avokatët që të tërhiqen, mund të bëjë që KLGJ të tërhiqet. Nga kjo pikëpamje do dëshiroja ta përshpejtojmë këtë proces. Ky nuk është proces shkresash por me thelbin e dokumentit që është bërë publik. Se çfarë do thonë Ministria e Financave ne nuk e vendosim. Pastaj nëse iua kanë thënë ju kështu unë jam i lemerisur.
Ka të bëjë me projektin që është bërë publik. Pastaj se çfarë do të thonë ministria e financave, ne nuk e vendosim. Do të thotë që deri tani, në 3 vjet këta nuk paskan marrë mendimin e ministrisë së Financave. Në këtë këndvështrim, ne lamë një datë dhe thamë që do të jetë o të enjten o të premten. Është mirë që të njoftohemi”, tha Xhafaj.
j.l./ dita
A nuk te ka pyetur ty ai i Gjati, o Xhafaj?