Hetimet e SPAK-ut për Metën, reagon Rama: Nuk flas kurrë në prani të miqve nga jashtë për politikën e brendshme

Kryeministri Edi Rama ka refuzuar të komentojë nisjen e hetimet të SPAK ndaj Ilir Metës.

Në konferencën e përbashkët me kryeministrin e Luksemburgut, Rama ka thënë se ka parim që mos flasë kurrë për politikën e brendshme në prani të miqve që vijnë nga jashtë.

Përmes një njoftimi për mediat, SPAK sqaroi këtë të mërkurë se ka kërkuar nga KQZ një kopje të formularit të vetëdeklarimit për Ilir Metën ‘si pjesë e hetimeve që po kryen Prokuroria e Posaçme për padinë e bërë nga ish-deputeti Halit Valteri.

Në qershor të këtij viti, Vlateri paditi ish-presidentin me akuzën se gjatë kohës që ka qenë në pushtet ka përfituar para nëpërmjet korrupsionit dhe këto i ka përdorur për lobim. Pjesë padisë është edhe Monika Kryemadhi dhe Vangjel Tavo.

a.m/dita