Detaje te reja nga arrestimi i efektivit te RENEA-s, Altin Morina. Dy orë para së të arrestohej ishte në Elbasan dhe dyshohet se ka dorëzuar shuma parash tek persona të skeduar.
113 mijë Eurot janë të efektivit edhe pse nuk ka deklaruar asgjë para kolegëve të tij. Mesditën e të martës, ai u arrestua në Tiranë në zonën e Kodrës së Diellit. Pak minuta para se të prangosej është vëzhguar nga forcat operacionale dhe ndodhej në mjet me një zyrtar të lartë të një agjencie ligjzbatuese, identiteti i të cilit nuk bëhet publik nga hetuesit.
Nuk dihet arsyeja pse efektivi nuk është ndaluar në momentin që ishte me të. Efektivi Morina dyshohet si i përfshirë në trafikun e drogës me grupet kriminale në Tiranë, Shkodër dhe Elbasan.
Morina dyshohet se ka lidhje dhe me Kreshnik Halilajn që u arrestua më herët për arsenal armësh dhe droge. Në këtë rast, efektivi dyshohet se ka fshehur prova duke thënë se kokaina e gjetur në shtëpinë e Halilajt nuk ishte kokainë, por miell buke. Ndër të tjera, ka dyshime të forta se ka lidhje edhe me grupin e Ervis Martinaj.
Gjatë ditëve të fundit, ai është konstatuar në praninë e një të afërmi të Martinajt ku e mbronte nga ndonjë atentat i mundshëm.
o.j/dita
