Një shpërthim ka ndodhur në orët e para në një biznesi në Durrës.
Shpërthimi ndodhi në derën e dyqanit të 58-vjeçarit Shaban Aga.
Sipas Policisë, në fasadën e dyqanit të shtetasit Sh.A, 58 vjeç, dyshohet se shtetasi D.K, 31 vjec, banues në Burrel, në bashkëpunim me persona të tjerë ende të paidentifikuar, kanë hedhur një sasi të vogël lëndë plasëse.
Nga shpërthimi ka vetëm dëme materiale.
Ngjarja ka ndodhur rreth orës 03:10 të mëngjesit në lagjen 17/1 rruga “Shenjtoret”.
Dyshohet se ngjarja ka ndodhur si pasojë e një konflikti të mëparshëm mes dy shtetasve.
Nga ana tjetër, familjarët janë shprehur të tronditur për ngjarjen, teksa kanë thënë se është e përsëritur.
“Na hodhën tritol, na tmerruan. Është e pesta herë që na ndodh”, janë shprehur familjarët.
Grupi hetimor nën drejtimin e Prokurorisë, po punojnë për dokumentimin ligjor të autorësisë së kësaj ngjarjeje.
j.l./ dita
