Komisioni Qendror i Zgjedhjeve ka hedhur sot shortin për vend qëndrimet e numëruesve të votave për zgjedhjet e 14 majit.
Në tavolinat e numërimit do të jenë katër numërues, nga të cilët dy përfaqësues të Partisë Socialiste, dhe një i Partisë Demokratike.
Numëruesin e katërt do ta ketë ose Partia e Lirisë (ish-LSI), ose PDIU.
Partisë së Lirisë i ra anëtari i katërt në tavolinat e numërimit me numër tek, ndërsa partia që mori anëtarin e katërt në tavolinat çift ishte Partia për Drejtësi, Integrim dhe Unitet.
Ndarja e numëruesve sipas Kodit Zgjedhor bëhet në bazë të rezultateve zgjedhore të mëparshme për secilën parti.
Rrjedhimisht në të gjithë vendin numëruesit do të ndahen:
Tavolinat me numër tek:
2 përfaqësues të Partisë Socialiste
1 përfaqësues i Partisë Demokratike
1 përfaqësues i Partisë së Lirisë
Tavolinat me numër çift
2 përfaqësues të Partisë Socialiste
1 përfaqësues i Partisë Demokratike
1 përfaqësues i Partisë për Drejtësi, Integrim dhe Unitet
“Shorti reflekton pasjen e anëtarëve të grupit të numërimit për çdo vendnumërim votash në tavolina teke ose çift. Është Partia për Drejtësi, Integrim dhe Unitet. Ja dhe Partia e Lirisë.
Atëherë rezultati, Partia për Drejtësi, Integrim dhe Unitet do të ketë tavolinën me numrin çift, ndërsa Partia e Lirisë tek tavolinat me numrin tek. Ka ndonjë diskutim? Mirë atëherë e miratojmë”, tha Celibashi.
j.l./ dita
