Çmontohen kamera të tjera sigurie të vendosura nga grupet kriminale në qarqe të ndryshme.
Në tre qarqet, Durrës, Korçë e Vlorë janë hequr në total 23 kamera.
Pas çmontimit, në qarkun Korçë janë vënë nën hetim 6 persona, në Vlorë 4 persona dhe në Durrës 3 persona.
Në total, që prej fillimit të operacionit janë çmontuar 531 kamera.
Në Korçë deri më tani janë çmontuar dhe sekuestruar në total 54 kamera dhe janë iniciuar hetime të thelluara për 20 persona.
Në Vlorë, janë çmontuar në total 26 kamera.
Që prej fillimit të operacionit “Fijet” policia ka asgjësuar 531 kamera sigurie të vendosura pa leje dhe me synim spiunimin e grupeve rivale dhe efektivëve të policisë.
j.l./ dita
