Një histori e pazakontë vjen nga Spanja. Virginio Moreno u zhduk në vitin 2001, në moshën 52-vjeçare, por u gjet nga motra e tij Dolores, e cila i premtoi nënës së saj para se të vdiste se do të gjente vendndodhjen e tij për sa kohë të ishte gjallë. “E mbajta fjalën”, tha ajo.
Kështu mundi të përqafonte vëllanë e saj, tashmë 73 vjeç, falë punës së kryer nga Policia Kombëtare, e cila intensifikoi procesin e kërkimit pas denoncimit të zhdukjes të bërë nga Dolores në vitin 2016 në komisariatin e Valladolidit.
Thirrja më e pritur për Dolores, e bërë nga agjentët dhe e bërë jehonë nga Cadena SER, erdhi vitin e kaluar. “Kemi gjetur vëllanë tuaj. Ai është i shëndetshëm dhe gjallë”. Një bisedë telefonike që i dha fund hetimeve shumëvjeçare dhe udhëtimeve të pafundme të gruas në Portugali.
Gjëja e fundit që dihej për të në fillim të shekullit ishte se ai punonte në Andorra dhe prej andej i humbi gjurmët sapo u largua nga territori.
Mundësia e fundit mbeti që Virginio të mund të ishte diku në Portugali, ku dhe u gjet, teksa tani punon si bari, duke u kujdesur për një tufë prej më shumë se 100 dele dhe për të kujdeset një familje, sipas nipit të tij.
