Ditë zie në Itali për vdekjen e Silvio Berlusconit.
Sot do të zhvillohen homazhe në nderim të Berlusconit, i cili u nda nga jeta të hënën pas përkeqësimit të gjendjes shëndetësore si pasojë e leuçemisë.
Mes rreth 1800 personaliteteve që do të ulen në katedralen e Milanos për funeralin e Berlusconit , përveç presidentit Mattarella dhe kryeministrit Meloni, pritet të jenë të pranishëm edhe disa krerë shtetesh dhe liderë partish italianë dhe të huaj.
Piazza Duomo do të rrethohet nga ora 10 e mëngjesit dhe do të ruhet nga forcat e rendit si e gjithë zona.
Priten mijëra qytetarë të cilët do të duan të marrin pjesë në homazhe, ndërsa ceremonia mund të ndiqet edhe nga dy ekranet gjigante që janë ngritur për këtë rast.
Në Duomo të Milanos, nga ana tjetër, do të mund të ulen rreth 2000 të ftuar.
Arkivoli i Berlusconit pritet të mbërrijë në oborrin e kishës së katedrales, ku do të pushojë për disa minuta, në orën 14:50.
j.l./ dita
