Influencuerja braziliane e fitnesit, Adriana Thyssen (Drika), ka vdekur në moshën 49-vjeçare për shkaqe që ende nuk janë zbardhur. Këtë e ka konfirmuar edhe familja e saj, përmes një deklarate të publikuar në rrjetet sociale këtë javë.
“Me pikëllim dhe keqardhje të thellë njoftojmë ndarjen nga jeta të Drikës sonë të dashur. Në këto momente dhimbjeje kërkojmë dhembshurinë dhe lutjet e të gjithëve”, kanë shkruar ata në llogarinë e tyre.
Sipas mediave lokale, influencuesja u gjet e vdekur më 17 shtator, në banesën e saj në Uberlândia, në jug të Brasilia. Megjithatë, shkaku i vdekjes nuk është bërë i detajuar.
Drika ishte bërë e famshme pasi kishte humbur 45 kilogramë në vetëm dy vite. Influencuesja ndau të gjithë procesin e përmirësimit përmes rrjeteve të saj sociale, në të cilat mblodhi deri në 600 mijë ndjekës.
Influencuesja pranoi se kishte probleme me trupin e saj që në moshë të re, deri në atë pikë sa vuante nga depresioni dhe peshonte mbi 140 kilogramë kur ishte 39 vjeçe. Ngjarja është ende nën hetim nga autoritetet, kurse informacionet mbeten të rezervuara.
