Një aksident i ka marrë jetën një shoferit të një automjeti tip “Mercedes Benz” mbrëmjen e sotme në segmentin rrugor Peqin-Rrogozhinë, në fshatin Karinë.
Sipas konfirmimit prej burimeve të Gazetës Shqiptare, viktima është Artor Tufa, punonjës i zjarrfikëses së Elbasanit.
Përsa i përket ngjarjes, në të janë përfshirë dy automjete, përkatësisht një “Mercedes Benz”, i cili ka goditur një “Volkswagen”.
Njoftimi i policisë:
Peqin/ Informacion paraprak
Më datë 21.09.2022, rreth orës 21:40, nē aksin rrugor Elbasan-Peqin, në fshatin Karin, Peqin, mjeti tip “Benz” me drejtues shtetasin A.T., banues në Peqin, është përplasur me mjetin tip “Volkswagen “, me drejtues shtetasin E.B., banues në Elbasan.
Si pasojë e përplasjes ka humbur jetën drejtuesi i mjetit tip “Benz”, shtetasi A.T, si dhe janë dëmtuar lehtë drejtuesi i mjetit tip “Volkswagen”, dhe pasgjeri i këtij mjeti shtetasi P.N., të cilët janë transportuar në spital për ndihmë mjeksore.
Grupi hetimor po punon për zbardhjen e shkakut të aksidentit.
a.m/dita
