Një tjetër krahasim mes vendimeve absurde të Gjykatës së Posaçme nxjerr në pah diferenca që ngrenë pikëpyetje të forta mbi proporcionalitetin.
Pëllumb Gjoka, një nga emrat kryesorë të dosjes “Metamorfoza”, është dënuar përfundimisht në Shkallën e Parë me 6 vite burg për sigurimin e kushteve dhe mjeteve materiale për kryerjen e vrasjeve, pjesëmarrje në grup të strukturuar kriminal dhe korrupsion aktiv të funksionarëve të drejtësisë.
Dënimi prej 9 vitesh iu reduktua me një të tretën për shkak të gjykimit të shkurtuar.
Në të njëjtën kohë, Greta Gjoci (Pepa) dhe Antoneta Malo (Pepkolaj), të dënuara në dosjen e call center-it të Bruno Çobos, kanë marrë secila nga 6 vjet e 8 muaj burg për mashtrim kompjuterik dhe pjesëmarrje në grup të strukturuar kriminal.
Edhe në këtë dosje është aplikuar gjykimi i shkurtuar.
Pra, dy gratë e dosjes së call center-it kanë marrë secila 8 muaj më shumë burg se një eksponent i rrezikshëm i botës së krimit.
GJKKO e shpalli Gjokën fajtor për “sigurimin e kushteve dhe mjeteve materiale për të kryer vrasje” ndaj Kleanthi Musabellit, Dorjan Dulit dhe Ibrahim Licit, si dhe për “grup të strukturuar kriminal” dhe “korrupsion aktiv të funksionarëve të sistemit të drejtësisë”.
Ndërkohë Greta Gjoci dhe Antoneta Malo janë dënuar me nga 6 vjet e 8 muaj në dosjen e mashtrimeve përmes call center-ave. Apeli i Posaçëm i la dënimet në fuqi më 5 tetor.
Greta është nëna e një foshnjeje 4-muajshe. Pas dërgimit në burgun e Pojskës, GJKKO vendosi më 8 tetor t’i shtyjë për një vit ekzekutimin e dënimit. Asaj i kanë mbetur rreth 3 vjet e 5 muaj për të vuajtur në burg.
Antoneta Malo, nënë e dy fëmijëve të mitur, përfitoi gjithashtu pezullimin e ekzekutimit të dënimit për gjashtë muaj. Ky vendim nuk ia ndryshon dënimin prej 6 vjetësh e 8 muajsh; vetëm shtyn ekzekutimin e tij.
Sigurisht, dosjet nuk mund të krahasohen vetëm duke vënë përballë emrat e veprave penale. Kodet parashikojnë marzhe të ndryshme dënimi, gjykata bashkon dënimet sipas rregullave konkrete dhe përgjegjësia duhet individualizuar për secilin të pandehur.
Por qytetari sheh edhe rezultatin e drejtësisë së re. Një person i shpallur fajtor për sigurimin e kushteve për kryerjen e disa vrasjeve, grup të strukturuar kriminal dhe korrupsion të funksionarëve të drejtësisë përfundon me 6 vite burg.
Dy gra të dosjes së mashtrimeve me call center përfundojnë me 6 vjet e 8 muaj secila.
Ky është pikërisht lloji i krahasimit për të cili GJKKO duhet të japë një përgjigje për publikun se me çfarë standardi i dënon njerëzit. Shumëkush mund të thotë që problemi nis kur prokurori formulon akuzën, por pavarësisht kësaj, mbetet gjyqtari ai që jep vendimin, i pandikuar nga prokurori.
Vox News

Shkrimi eshte krejt pa lidhje!
Ideja ketu nuk duhet te ishte se keto “zonjat” jane denuar shume, se nuk eshte aspak ashtu, ato jane dy plehra femra, ne grupin e mijera plehrave qe punojne ne call center qe merren me mashtrime, permes te cilave ju vjedhin kursimet e jetes njerezve.
Ky aktivitet eshte nga me te keqinjt e mundshem.
Histori tjeter pastaj Gioka, i cili natyrisht eshte denuar pak dhe me denim qesharak.
Duhet dënuar pronari i Call centerave dhe jo punonjëset që kanë nevojë jetike për një rrogë. Por në shtetin tonë secili që ka diçka në dorë bën si i do bytha. Sidomoas këta të çdrejtësisë që nuk japin llogari asgjëkundi.
Parjeter, por keto nuk jane “punonjese” por bashkepunetore ne krim, pa te cilat as krimi nuk kryhet. Jane pjese e grupit kriminal.
Ti mire e ke, por eshte njesoj si te denosh shoferin e makines njesoj me ate qe grabiti banken, se ate kryesorin e kishin denuar me 7 vjet, kurse keto me 6,8. Po flasim per llogjike gjygjsore, pa mare parasysh faktin qe synimi i drejtesise nuk eshte denimi, por rehabilitimi i personave qe kane bere krim nepermjet denimit dhe rikthimit ne shoqeri. Nqs ato kane femije 4 muajsh apo 1-2-3 vjec, cfare do rehabilitosh? Leji te bejne mamane se nuk eshte me i njejti person mbasi ka lindur femra.