Një grabitje e ndodhur në Tiranë rreth një muaj më parë ka prodhuar një tragjedi në një familje në Malësi të Madhe.
Kristian Fusha, 27-vjeçari që u arrestua mbrëmë si i dyshuar për vjedhjen e dy kasafortave në Tiranë pranoi se e ka kryer vjedhjen. Kristian Fusha, i cili në bashkëpunim me një 23-vjeçar që është ende në kërkim vodhi kasafortën e motrës së të dashurës, kunatës së tij.
27-vjeçari rrëfeu se paratë i duheshin për të operuar këmbën, ndërsa bëri me dije se i ka shpenzuar të gjitha. Pas vjedhjes, ai u largua në Mal të Zi për të humbur gjurmët, ndërsa kasafortat i la në Shkodër. Pas kësaj ngarje mësohet se e dashura vetëm 17-vjeç ka vrarë veten.
Policia po heton për të zbardhur rrethanat e plota të dy ngjarjeve por dyshimet paraprake janë se e reja vetëm 17-vjeç ka ndërmarrë aktin e rëndë pasi ka marrë vesh lajmin e grabitjes.
Ndërkohë është pranuar kërkesa e prokurorisë për masën arrest me burg për 27-vjeçarin.
Kristian Fusha u arrestua pasi se së bashku me një person tjetër ende në kërkim, 23-vjeçarin me iniciale M.N. kanë vjedhur një vlerë prej 100 mijë lekësh nga 2 kasaforta në një banesë në Tiranë. Ngjarja ka ndodhur një muaj më parë.
a.m/dita
