Afrim Gjergji, një 46-vjeçar i shpallur në kërkim ndërkombëtar nga autoritetet italiane është arrestuar këtë të premte nga ekipi i Fast Albania.
46-vjeçari rezulton një person i dënuar me 11 vite burg në shtetin fqinj për veprat penale “Marrëdhënie seksuale me dhunë” dhe “Dhuna në familje”.
Gjergji u lokalizua në qytetin e Durrësit vetëm disa orë pasi ai u shpall në kërkim ndërkombëtar nga interpol Roma.
Gjykata e Pordenone, Itali, e ka dënuar me 11 vjet burgim, pasi ka kryer marrëdhënie seksuale me dhunë, me bashkëshorten e tij, duke e kanosur, si dhe ka ushtruar dhunë fizike dhe ka goditur me sende të forta fëmijët e tyre.
Interpol Tirana, në bashkëpunim me Interpol Roma, vijon procedurat për ekstradimin e këtij shtetasi, në Itali, ku do të buajë dhe dënimin e dhënë nga gjykata.
o.j/dita
