Një 39-vjeçar i kërkuar nga Italia është arrestuar nga Policia e Shkodrës, me qëllim ekstradimin.
Në pranga bëhet me dije se ka rënë Klodian Ndogaj, që mbante edhe mbiemrin Jakini. 39-vjeçari ishte me masë sigurie “arrest në shtëpi”, në pritje të përfundimit të procedurave për ekstradimin e tij. Gjykata e Shkodrës e ndryshoi masën e sigurisë, nga arrest shtëpie, në arrest në burg dhe kur policia shkoi për ta arrestuar, nuk e gjeti në banesë. Klodian Ndogaj u kap dhe u ndalua nga uniformat blu në Spitalin Rajonal të Shkodrës. Këtë shtetas Gjykata e Astit, në Itali, me vendim e datës 23.10.2019, e ka dënuar me 13 vjet e 5 muaj burgim në mungesë, për veprën penale “shfrytëzimi i prostitucionit”, teksa aktualisht pritet të përfundojnë edhe procedurat e ekstradimit drejt vendit fqinj.
