Hair Breshanaj, 62 vjeç është arrestuar nga policia e Sarandës pasi është dënuar për vrasje më 1998.
Shërbimet e Komisariatit të Policisë Sarandë, pas marrjes së informacionit se një shtetas i shumëkërkuar fshihej në fshatin Vrinë, Sarandë, organizuan punën për arrestimin e tij.
Në kuadër të operacionit ‘Vrina’ u arrestua 62-vjeçari, i cili ka vrarë Nusret Nanajn më datë 24.11.1998, në lagjen “Uji i Ftohtë”, në Vlorë, pas një konflikti për motive të dobëta.
Hair Breshanaj ishte shpallur në kërkim pasi Gjykata e Shkallës së Parë Vlorë, me vendimin e datës 21.12.2000, e ka dënuar me 20 vjet burgim, për veprën penale “Vrasja me dashje”.
Materialet iu referuan Prokurorisë pranë Gjykatës së Rrethit Gjyqesor Vlorë, për veprime të mëtejshme.
o.j/dita
