Sulejman Seferi, 46-vjeç, është prangosur nga policia mëngjesin e djeshëm, pasi ishte shpallur në kërkim ndërkombëtar dhe i dënuar nga Gjykata e Barit, me 13 vite e gjysmë burg për trafik droge. Policia bën me dije se aksioni “Altamura” është bërë nga ‘Fast Albania’ dhe i kërkuari nga drejtësia italiane është arrestuar në rrugën “Abdi Toptani”, në Tiranë, ndërkohë që 46-vjeçari është banues në Vlorë.
“Shtetasi Sulejman Seferaj, në bashkëpunim me shtetas të tjerë, ka ushtruar aktivitetin kriminal të shitjes së lëndëve narkotike të llojeve heroinë, kokainë dhe marijuanë, në zonën e Altamuras dhe në zona të tjera përreth, në Itali. Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë”, thuhet në njoftimin e policisë.
