Tashmë na duket normale, pjesë e përditshmërisë, por jo shumë kohë më parë vetëm pak njerëz kishin celularë.
Nëse kthehemi edhe disa vite pas, telefonat celularë “Nokia” dominonin tregun. Koha ka ndryshuar, por shumica e njerëzve ende i kujtojnë ata telefona. Një nga pajisjet më të spikatura ishte “Nokia 3310”.
Ata u zhdukën nga tregu kur dolën celularët smart, por tani është gjetur një përdorim i ri për “Nokia 3310”. Për të… vjedhur makina!
E shpjegon ‘Vice’ në një artikull. Hajdutët futin kontrabandë teknologjinë në këllëfët e këtyre telefonave të vjetër dhe mund të ndezin makinat thjesht duke e lidhur nëpërmjet një kablloje.
Alarmi nisi pasi një video u bë virale në rrjete. Në të, një shofer përpiqet të ndezë Toyotën e tij disa herë pa sukses, duke shtypur një buton dhe pa futur çelësin.
Diçka krejtësisht normale, apo jo? Si doni të ndizni një makinë pa çelës? Djali nxjerr një “Nokia 3310” dhe e fut në makinë. Shkruan disa komanda në telefon dhe nis makinën. Pa çelës.
“Kjo i lejon hajdutët me shumë pak përvojë teknike të vjedhin makina pa pasur nevojë për një çelës, ndonjëherë në vetëm 15 sekonda ose më shumë,” thotë media e cituar.
“Pajisja bën të gjithë punën për ta”, thotë Ken Tindell, CTO i firmës së sigurisë kibernetike të automjeteve Canis Labs, për Motherboard në një e-mail. “Gjithçka që ata duhet të bëjnë është të marrin dy tela nga pajisja, të shkëputin fenerin dhe të vendosin telat në vrimat e duhura në anën lidhëse të automjetit”.
Eksperti, pas një procesi hetimor, gjeti në internet telefona specifikë për të ndezur makinat Jeep, Maserati dhe makina të tjera.
Tani paguhet deri në 18,000 euro për celularin
Sipas mediave të sipërpërmendura, kostoja e këtyre celularëve është rritur shumë. Në disa kanale ‘Telegram’ ato ofrohen nga 2500-18000 euro.
Për shkak se mund të përdoret për veprimtari kriminale, ofrohet nga shitësit si një pajisje “fillimi urgjent”. Shitësit kanë arritur të prezantojnë teknologjinë edhe në altoparlantë të vegjël, të cilët gjithashtu mund të hapin automjetet.
a.q./dita
