Garda e Republikës ka bllokuar derën e Parlamentit për t’u ndaluar të hyjnë brenda në seancë deputetët e PD, të cilët u përjashtuan për thyerje të rregullores.
Ky është i njëjti skenar, që deputetët e PD përdorën në seancën e të hënës.
Të përjashtuarit, të hënën pati një sërë tentativash, por në fund nuk arritën të marrin pjesë në seancën plenare, e cila nuk zgjati as dy orë dhe u karakterizuar nga zhurma dhe kaosi.
Deputetët kanë paraqitur një kërkesë për ankimim të vendimit për përjashtimin e tyre, por Byroja e Kuvendit nuk ka ndryshuar vendim.
Komisioni i Etikës përjashtoi dje Sali Berishën, Flamur Nokën, Belind Këlliçin dhe Edi Palokën.
Flamur Noka, Belind Këlliçi dhe Edi Paloka kanë dëbatuar e janë përplasur verbalisht me punonjësit e Gardës së Republikës.
Nga ana tjetër, vetë Sali Berisha nuk ka dalë ende nga selia blu. S’dihet nëse Rama do të marrë pjesë në seancën e sotme, por Berisha u ka bërë thirrje protestuesve që ta pengojnë të futet në Parlament.
j.l./ dita
