Shërbimi Meteorologjik Ushtarak bën me dije se sot vendi ynë do të ndikohet nga masa ajrore të nxehta me origjinë nga Afrika e Veriut.
Moti parashikohet i kthjellët në të gjithë territorin përjashtuar vranësirat kalimtare mesatare dhe hera-herës të dendura në relievet malore të Jugut dhe Lindjea, në orët e mesditës dhe pasdites.
Do ketë për një periudhë të shkurtër kohore edhe reshje në formën e shtrëngatave shoqëruar me shkarkesa elektrike dhe breshër. Pas orëve të pasdites do ketë ndërprerje të reshjeve në këto zona, por do vërehet mjegullinë dhe shikim i reduktuar.
Era do të fryjë me drejtim veriperëndim – verilindje me shpejtësi mesatare 1-8 m/sek. Përgjatë vijës bregdetare dhe në lugina në momentin e zhvillimit të vranësirave vertikale era do bëhet relativisht intensive me shpejtësi 10-16 m/sek, shoqëruar me valëzim në dete të forcës 1-3 ballë.
j.l./ dita
