Zbardhet deklarata e Ensi Mazes, një ditë pas vrasjes së 19-vjeçarit Stiven Toshkesi në Tiranë.
18-vjeçari ishte i pari që përfundoi në pranga menjëherë pas ngjarjes dhe ka deklaruar se nuk ka lidhje të drejtpërdrejtë me viktimën.
Sipas dëshmisë, ishte vënë në dijeni të konfliktit nga shoku i tij, Axel Hoxhaj. Ky i fundit është ende në arrati.
Ensi Maze ka pak ditë që është kthyer nga Holanda ku është me studime. Këto ditë kishte takuar shokun e tij që i kishte rrëfyer për konfliktin që kishte me viktimën, dhe i tha se ky i fundit e kishte rrahur.
Sipas Mazes, konflikti kishte nisur sepse një vajzë të cilën e pëlqente Axel Hoxhaj (që e kishte në të njëjtën klasë), ishte në një marrëdhënie me viktimën.
Natën e ngjarjes i kanë bërë pritë, jo për ta vrarë sipas të prangosurit.
E kishin lënë që “të takoheshin dhe të sqaroheshin”. Por situata ka percipituar.
Stiven Toshkesi u godit me thikë nga dy të rinjtë, duke ndërruar jetë si pasojë e plagëve të marra në spital.
Autori njihet si person problematik në zonë dhe shkollë. Ai është ende në kërkim nga Policia.
j.l./ dita
