Një sasi e vogël lënde plasëse i është vendosur një servisi makinash në zonën e Liqenit të Thatë mëngjesin e sotëm rreth orës 04:35.
Sipas njoftimit të Policisë, biznesi është në pronësi të shtetasit Ronaldo Peti dhe nga konstatimet e para nuk ka të lënduar por vetëm dëme materiale.
Ende nuk dihen motivet e ngjarjes.
Policia ndodhet në vendngjarje dhe po punon për zbardhjen e plotë të saj si dhe identifikimin e autorëve.
Njoftimi i Policisë:
Tiranë/Informacion paraprak
Më datë 28.07.2022, në orën 04:35, në afërsi të Liqenit të Thatë, në një servis automjetesh, në pronësti të shtetasit R. P., është vendosur një sasi e vogël lënde plasëse dhe si pasojë ka vetëm dëme materiale.
Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve.
j.l./ dita
