Një shpërthim me tritol ka ndodhur në Orikum të Vlorës pak para mesnatës së djeshme.
Sipas policisë, lënda plasëse ishte vendosur në një kamion të parkuar, i cili është në pronësi të 53-vjeçarit me inicialet A. C.
Gjithashtu bëhet e ditur se si pasojë e kësaj ngjarje ka vetëm dëme materiale, ndërkohë që uniformat blu ndodhen në vendin e ngjarjes dhe po punojnë për zbardhjen e rrethanave të saj si dhe kapjen e autorit.
Njoftimi paraprak i policisë:
Më datë 12.08.2022, rreth orës 23:30, në fshatin Tragjas, Orikum, në një mjet kamion, të parkuar, në pronësi të shtetasit A. C., 53 vjeç, ka shpërthyer një sasi e vogël lëndë plasëse, ku si pasojë ka vetëm dëme të vogla materiale.
Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
a.m/dita
