Lidhur me ngjarjen e djeshme kur ju vendos një sasi lënde plasëse njërit prej lokaleve të reperit Noizy në plazhin e Durrësit,është angazhuar komisariati i policisë së Durrësit, e më konkretisht sektori i krimeve të rënda.
Burime nga ky komisariat bëjnë me dije se gjatë ditës së djeshme është vijuar me ekspertizën e vendit të ngjarjes nga ku është konkluduar se ndaj lokalit të këngëtarit është përdorur lëndë plasëse tritol e shpërthyer me kapsollë me fitil zjarrpërcjellës,pra me ndezje.Më pas lënda plasëse është hedhur mbi qepenin e lokalit butik duke shkatërruar qepenin e thyer xhamat e lokalit shisha mbi të si dhe xhamat e disa apartamenteve.
Më pas janë marrë filmimet e disa kamerave aty pranë por deri tashti,nga përpunumi i tyre nuk ka pasur ndonjë rezultat konkret.
Po hetohet kryesisht në pistën e konfliktit më të fundit kur reperi Noizy sëbashku me një grup që përbën eskortën e tij dhunuan reperin tjetër Cllevio.Pasi është marrë në pyetje,Noizy ka deklaruar se ka qenë në gjumë kur është kryer shpërthimi dhe nuk mund të akuzojë njeri pa fakte.Sipas tij,ai nuk ka pasur konflikte me njeri duke përjashtuar rastin e fundit prej të cilit është në proçedim penal në gjendje të lirë.
Po kështu burimi pranë komisariatit Durrës bën me dije se është pyetur edhe reperi i dëmtuar i cili ka qëndruar në pozita mohuese. Grupi i Cllevios nuk e ka marrë përsipër shpërthimin bëhet e ditur nga hetimi i deritanishëm ku nuk ka ende asnjë të ndaluar.
a.m/dita
