Qeveria greke ka ndërmarrë një nismë për lehtësimin e qytetarëve të saj në reduktimin e faturave të energjisë elektrike.
Përmes një vendimi qeveria ka marrë angazhim t’u ofrojë familjeve subvencione për t’i ndihmuar ata të zëvendësojnë pajisjet elektrike si frigoriferë dhe kondicionerë me pajisje të reja efikase në energji, duke reduktuar kështu faturat në rritje të energjisë elektrike.
“Familjet greke do të jenë në gjendje të blejnë deri në tre pajisje të reja, më efikase në energji, kondicionerë, frigoriferë ose ngrirës dhe do të marrin një subvencion prej 30% deri në 50% të kostos për çdo pajisje.
Sipas programit që po shpallim sot, ne po u japim qindra mijëra familjeve mundësinë për të ulur ndjeshëm, deri në 40%, konsumin e tyre të energjisë”, tha ministri i Energjisë, Kostas Skrekas.
Greqia do të jetë në gjendje të kursejë energji të barabartë me atë të konsumuar nga një qytet me 100,000 banorë në vit dhe të kursejë 40 milionë euro në importet e gazit dhe naftës në vit.
Nisma pritet të kushtojë 150 milionë euro dhe do të financohet nga fondet e BE-së.
Që nga viti i kaluar, vendi ka marrë disa masa me një kosto totale prej rreth 7 miliardë euro, duke përfshirë subvencione për të ndihmuar familjet të paguajnë faturat e energjisë elektrike dhe pompimin e karburantit.
i.b. / dita
