Pas një sherri çasti me 3 persona në ambientet e jashtme të një bilardoje në Lezhë, një 22-vjeçar është qëlluar me armë mbrëmjen e djeshme. Nga hetimet e kryera, policia ka identifikuar tre autorët, të cilët janë shpallur në kërkim. Ndërkohë që pas dërgimit në urgjencën e Spitalit të Lezhës, 22 vjeçari i plagosur ka marrë ndihmën e duhur dhe ndodhet jashtë rrezikut për jetën.
Policia sqaron se një 29-vjeçar në bashkëpunim me një 26-vjeçar dhe një 27-vjeçar, pas një konflikti çasti me 22-vjeçarin, e kanë goditur këtë të fundit me mjete të forta dhe e kanë plagosur me armë në këmbë. Ngjarja ka ndodhur në orën 22:30 të së hënës, në ambientet e jashtme të një bilardoje.
“L. F., 29 vjeç, Xh. F., 26 vjeç dhe A. Sh., 27 vjeç, të tre banues në Lezhë, dyshohet se në bashkëpunim me njëri-tjetrin, pas një konflikti të çastit, në ambientet e jashtme të një bilardoje, në Lezhë, kanë goditur me mjete të forta shtetasin A. L., si dhe e kanë plagosur atë me armë zjarri, në këmbë’” njofton Policia, e cila ka shpallur në kërkim autorët e ngjarjes.
Ngjarja ndodhi në lagjen “Besëlidhja” të qytetit, ndërsa i plagosur mbeti Aleks Laska 22-vjeç banues në fshatin Rrilë.
p.k\dita
