Një kolumbian i dytë i identifikuar nga SPAK do vinte në Shqipëri për të nxjerrë kokainën nga plehu organik, në laboratorin e improvizuar në Frakull të Fierit.
Samir Rodriguez do të ndihmohej nga një bashkëkombas i tij për të ekstraktuar kokainën nga plehu organik në Frakull të Fierit.
Nga hetimet e SPAK ai është identifikuar me inicialet F.B dhe rezulton se ka fluturuar në të njëjtën ditë nga Athina në Podgoricë, por ndryshe nga Rodriguez, kolumbiani tjetër nuk kishte mbërritur në rrugë ilegale në Shqipëri.
Për këtë SPAK ka nisur letër porosi drejt autoriteteve kolumbiane pasi për përzierjen e kokainës në kontejnerin me pleh organik dyshohet se ka bashkëpunëtor dhe individë në këtë shtet.
Nga ana tjetër SPAK ka në duar edhe transkiptime të tjera të siguruara nga përgjimet ambientale ku është detajuar roli i 10 personave të arrestuar por edhe të dyshuarve të tjerë të cilët po hetohen.
o.j/dita
