Deputeti i Partisë Demokratike Gazment Bardhi ka shkuar këtë paraditë në zyrën e Prokurorëve të Posaçëm.
Mësohet se Bardhi do të pyetet nga Prokuroria e Përgjithshmë Kundër Korrupsionit dhe Krimit të Organizuar në lidhje me inceneratorin e Elbasanit. Bardhi do të pyetet nën cilësinë e personit që ka bërë kallëzimin për këtë çështje.
Vetë Bardhi, në një prononim për mediat pas marrjes në pyetje në SPAK, tha se prokurorët nuk i kanë përmbushur ende pritshmëritë e tyre. Ai shtoi se nuk ka vënë re asnjë përparim në hetime.
Pjesë nga prononcimi:
Gazment Bardhi: Në vitin 2020, Partia Demokratike ka denoncuar aferën për tre incineratorët, sot isha si kallëzues për inceneratorin e Elbasanin. Kam konfimuar kallëzimin e bërë, gjej rastin të inkurajoj SPAK-un për të çuar para drejtësisë të gjithë përgjegjësit. Nuk kam dijeni për Tiranën, nuk ka asnjë zhvillim për këtë çështje. I kemi dhënë besim SPAK-ut, do të duhet të na e kthejë mbrapsht besimin. Qytetarët preson drejtësi për çdo denoncim. Është procedurë normale.
Ju keni denoncuar zyrtarë të lartë, cilët janë emrat?
Gazment Bardhi: Kam kërkuar të merren materialet hetimor të Komisionit Parlamentar. Kërkova që materialet e dala nga Komisioni të jenë pjesë e dosjes hetimore. Emrat janë bërë publike, nga kryeministri Edi Rama dhe deri tek i fundit që është marrë në pyetje. Sa kohë personat përgjegjës nuk janë vënë para drejtësisë, sigurisht që nuk janë përmbushur pritshmëritë tona.
Një koment për marrëveshjen e djeshme?
Gazment Bardhi: Nuk kam asnjë koment. Nuk e di pse e lidh me SPAK-un. Nuk e kuptova pyetjen.
Një ditë më parë, SPAK thirri ish-kryetaren e Lëvizjes Socialiste për Integrim, Monika Kryemadhi.
Kryemadhi u mor në pyetje për dy orë për të njëjtën çështje.
j.l./ dita
