Një incident i rëndë ka ndodhur gjatë kësaj të hëne në një nga uzinat e Kurum International në ish kombinatin Metalugjik të Elbasanit.
Burime jo zyrtare konfirmuan se gjatë provave të instalimit të një makinerie ka ndodhur një aksident i rëndë.
Dyshohet se aksidenti ka ndodhur si pasojë e mosnjohjes së procesit teknologjik të makinerisë që inxhinieri dhe një punëtor po tentonin ta vinin në punë. Ndërkohë policia e Elbasanit ka dokumentuar ngjarjen e cila po hetohet nga Prokuroria.
Për pasojë një inxhinier dhe një punëtor kanë mbetur të plagosur. Të plagosur janë David Elezi dhe Mikel Caku, vëllai i ish-ministres së arsimit, Evis Kushi që ndodhet në gjendje më të rëndë shëndetësore.
Ata janë transportuar fillimisht në Spitalin Rajonal të Elbasanit dhe më pas në një spital privat.
p.c. / dita
