Shqipëria ka rënë me tre vende në Indeksin e Sundimit të Ligjit për vitin 2022 publikuar nga worldjusticeproject, një organizatë ndërkombëtare e shoqërisë civile e cila merr në analizë ecurinë në 140 vende të disa prej aspekteve më domethënëse të lidhura me ligjin dhe të drejtën.
Indeksi për vitin 2022 e rendit Shqipërinë në vendin e 87 mes 140 vendeve teksa në vitin 2021 ajo renditej në vendin e 84.
Indeksi ndërtohet në bazë të tetë faktorëve ku i pari është ai i kufizimeve në kompetencat e qeverisë që nënkupton se deri në çfarë pike institucionale dhe kushtetuese limitohen zyrtarët për të mbajtur përgjegjësi para ligjit.
Ky faktor përfshin edhe sesa i lirë është shtypi duke mbetur jashtë kontrollit të qeverisë Në këtë tregues Shqipëria renditet e 105 mes 140 vendeve ndërsa një vit më parë në këtë tregues renditeshim të 109-et.
Mungesa e korrupsionit është treguesi i dytë që merret në analizë dhe mban parasysh tre forma: ryshfetin, ndikimin e papërshtatshëm nga interesi publik dhe privat dhe shpërdorimi i fondeve publike dhe burimeve të tjera.
Shqipëria renditet në vitin 2022 në vendin e 107 ndërkohë që një vit më parë në atë të 105-të.
Qeveria e hapur është treguesi i tretë dhe merr në analizë aspektin se deri në çfarë pike qeveria është transparente duke ndarë informacion , fuqizon njerëzit me mjete për ta vënë qeverinë para përgjegjësisë dhe nxit pjesëmarrjen e qytetarëve në diskutimet e politikave publike. Në këtë tregues Shqipëria renditet e 84 ndërkohë që një vit më parë në vendin e 82.
Treguesi i katërt për të drejtat themelore ndalet në atë sesa i respekton shteti të drejtat sipas ligjeve kombëtare dhe konventave ndërkombëtare të njerëzve të tij ku renditemi në vendin e 63 nga vendi i 62 që ishim në 2021.
Rendi dhe siguria është treguesi i pestë merr në analizë sesa shoqëria garanton sigurinë e njeriut dhe të pronës ku për 2022 renditemi në vendin e 50 nga vendi i 47 që ishim më herët.
Zbatimi i rregulloreve ndalet në masën në të cilën rregulloret zbatohen në mënyrë të drejtë dhe efektive në vend dhe janë treguesi i 6 i indeksit. Shqipëria renditet në vendin e 112 ndërkohë që në vitin 2021 ishte në vendin e 107.
Drejtësia civile është e shtata në radhën e treguesve dhe mban parasysh nëse njerëzit e zakonshëm mund t’i zgjidhin ankesat e tyre në mënyrë paqësore dhe në mënyrë efektive nëpërmjet sistemit të drejtësisë civile. Në këtë aspekt renditemi për 2022 në vendin e 98 teksa një vit më parë në vendin e 92.
I fundit është treguesi i të drejtës kriminale dhe ky është një skanim i sistemit të drejtësisë duke përfshirë nga policia tek avokatët, prokurorët, gjyqtarët apo policia e burgjeve.
Treguesi sheh sesa efektiv është sistemi dhe sa garanton ai gjetjen e të drejtës dhe dënimin e personave për vepra penale kundër shoqërisë. Për vitin 2022 renditemi në vendin e 81 duke rënë me një pozicion nga viti i kaluar.
Link indeksi: https://worldjusticeproject.org/rule-of-law-index/global
Monitor
j.l./ dita
me shqiptarët tallen këta????
Te gjitha treguesit qe rendisin keta jane FALLCO!
Ne te gjithe treguesit Shqiperia eshte ne vendin e fundit ne bote!
Ne Shqiperi sot nuk ka asnje element te demokracise dhe shtetit ligjor!
Ne Shqiperi NUK KA NDARJE TE PUSHTETEVE,PRA KA DIKTATURE!
Pushteti qendror dhe vendor i trajton qytetaret njelloj si dikur ne SHBA trajtoheshin zezaket ne kohen e KU KLUS KLANIT!
Pushtetet nuk jane ne sherbim te qytetareve kudo ku banojne dhe taksat nuk ua kthejne qytetareve ne sherbime per cdo komunitet ne baze te nevojave duke patur prioritet mbi te gjitha sasia dhe dendesia e popullsise e jo te hidhen miliarda vetem atje ku i behet pushtetit reklame me shume dhe ku mund te behet korrupsion sic ndodh ne Tirane!
A ka shperdorim me te madh te buxhetit te shtetir se sa investimi kolosal ne te ashtuquajturit “100 fshatrat turistike” te braktisur edhe nga vete fshataret,ndersa lagjet periferike te Tiranes me nga mbi 120 mije banore kane mbetur si GETO, ku mijra femije,te rinj dhe te moshuar jetojne si ne kampet e perqendrimit nazist!
Mos more qenkan rrite koeficentet si inflacioni. I shikojne keto te dhena Kimi dhe ambasadori i Britanise apo fajin e kane non-gradat edhe tani.
Kjo eshte pune e armikut te kllases qe kerkon te erresojs arritjet e Rilindjes. Flm Dita!