Indianët kërkojnë t’u kthehet ‘Kohinoor’, diamanti më i madh i kurorës së Elizabeth

Menjëherë pasi mbretëresha Elizabeth II vdiq më 8 shtator, fjala “Kohinoor” filloi të përhapet në Twitterin indian.

Ishte një referencë për një nga perlat më të famshme në botë. Diamanti Kohinoor është vetëm një nga 2800 gurët e vendosur në kurorën e bërë për nënën e Elizabeth, e njohur si Nëna Mbretëreshë, por diamanti në formë ovale 105 karatësh është xhevahiri proverbial në kurorë, shkruan The Time.

Diamanti, i cili raportohet të jetë një nga bizhuteritë më të shtrenjta në botë, është guri qendror i Kurorës së Nënës Mbretëreshë dhe është gjetur në një minierë në Indi.

Por pasi kaloi dorë më dorë përfundoi në zotërimin e të riut Maharaja Duleep Singh. Në 1849, britanikët e detyruan atë të nënshkruante një dokument ligjor që përfshinte një dispozitë që kërkonte që xhevahiri t’u dorëzohej britanikëve.

Thuhet se nuk ka plane për të kthyer xhevahirin, dhe disa raporte spekulojnë se diamanti do t’i shkojë gruas së mbretit Charles III, Camilla, bashkëshortja e re e mbretit në Mbretërinë e Bashkuar.

a.m/dita