Një sfidë e re fton ekspertët e Inteligjencës Artificiale (AI) të bashkohen me astronomët, në kërkimin për të zbuluar dhe kuptuar planetët jashtë sistemit diellor, të njohur gjithashtu si planetë ekstradiellorë ose “ekzoplanetë”. Sfida e të dhënave ‘Ariel 2023’, e cila filloi më 14 prill, mund të ndihmojë në drejtimin e AI në ndihmën e teleskopit të Agjencisë Evropiane të Hapësirës (ESA) në misionin e tij dhe të na ndihmojë të kuptojmë më mirë vendin e Tokës në univers.
“AI ka revolucionarizuar shumë fusha të shkencës dhe industrisë në vitet e fundit”, tha në një deklaratë një nga drejtuesit e Ariel Data Challenge dhe profesor i asociuar në Kolegjin Universitar në Londër në Astrofizikë, Ingo Waldmann. “Fusha e ekzoplaneteve ka mbërritur plotësisht në epokën e të dhënave të mëdha dhe inteligjenca artificiale e fundit është e nevojshme për të thyer disa nga pengesat tona më të mëdha që na mbajnë prapa”, tha ai.
‘Ariel’, i vendosur të nisë në vitin 2029, do të kryejë një nga sondazhet më të mëdha të ekzoplaneteve, duke ekzaminuar atmosferat e rreth 1000 prej planetëve të njohur jashtë sistemit diellor. Ky është një numër i madh vëzhgimesh, që përfaqëson rreth një të gjashtën e të gjithë 6000 botëve të njohura aktualisht në katalogun e ekzoplaneteve dhe ndihma e komunitetit të AI dhe të mësimit të makinerive mund të jetë jetike në interpretimin e të dhënave të ‘Ariel’.
Shkencëtarët pas “Arielit” do të kenë nevojë për një metodë të re të interpretimit të këtyre të dhënave, për të kuptuar më mirë ndikimin e fenomeneve të ndryshme atmosferike në spektrin e vëzhguar të dritës. Sfida e katërt e të dhënave ‘Ariel’ vijon nga ngjarjet e mëparshme në 2019, 2021 dhe 2022, do të mbyllet më 18 qershor 2023. Sfida u kërkon ekspertëve informatikë që përdorin çdo model, algoritëm ose teknikë të përpunimit të të dhënave që të gjejnë zgjidhje për këtë problem.
