Formula e një bioarme, ose… Ja si Inteligjenca Artificiale e zhduk teorikisht njerëzimin, nëse avancon duke zhvilluar ndjenjat

Inteligjenca Artificiale nëse do përdoret për synime dashakeqe, mund ta zhdukë njerëzimin. Do mjaftonte përshembull, të përdorej për të zbuluar formulën e një virusi shumë më vdekjeprurës se Covid.

Ky është alarmi i ngritur nga ekspertët amerikanë, të cilët parashikojnë se robotët e IA që po përdoren si mjete kërkimore në laboratorë anembanë botës, kanë teorikisht aftësinë për të na vrarë të gjithëve.

Ata mund të përdoren për të krijuar një “bioarmë” më shkatërruese se çdo pandemi që ka parë bota dhe jo vetëm kaq. Ekspertët e industrisë së teknologjisë shtojnë se është “plotësisht e arsyeshme” të frikësohemi nëse IA avancon.

Në të ardhmen, jo vetëm, aktorë keqdashës, por edhe vetë IA mund të porosisë në mënyrë të pavarur mjetet e nevojshme për të krijuar një virus në internet, ta inxhinierojë atë dhe ta lëshojë në botë “për të ruajtur veten”, nëse tek ai zhvillohen emocione të ngjashme me njeriun si p.sh. “frika nga vdekja”.

Në këto kushte, nëse njeriu do të dojë ta shuajë, IA do vetëmbrohet. Nëse vetëmbrojtjen e bën njeriu kur i kërcënohet ekzistenca, patjetër do ta bëjë dhe IA. Dhe duke patur parasysh superioritetin mendor të IA, vazhdimin mund ta fantazoni vetë…

o.j/dita