Pasi janë shpallur rezultatet e 4 provimeve të Maturës Shtetërore, ministrja e Arsimit dhe Sporteve, Evis Kushi, bën të ditur se të gjithë maturatët që janë të interesuar për të parë kopjen e testit të tyre, mund ta marrin këtë shërbim në platformën e-Albania.
Përmes një postimi në Facebook, ministrja Kushi, thotë se për të aplikimi për të marrë kopjen e testit, mund të bëhet brenda ditës së nesërme nga ora 8:00 deri në orën 16:00 në këtë link (KLIKO KËTU).
Nëse maturantët konstatojnë gabime në korrigjim, ministrja Kushi, thekson se ata mund të drejtohen në shkollën e tyre për të ndjekur procedurat për rivlerësimin e testit në datën 3 Korrik 2023.
“Tashmë që rezultatet e 4 provimeve të Maturës Shtetërore janë shpallur, të gjithë maturantët që janë të interesuar për të parë kopjen e testit të tyre mund ta marrin këtë shërbim në platformën e-Albania.
Kryeni aplikimin online brenda ditës së nesërme, 28 Qershor 2023, nga ora 8:00 deri në orën 16:00, në linkun: https://ealbania.al/eAlbaniaServices/UseService.aspx?service_code=11164.
Në zbatim të rregullores së re të Maturës Shtetërore, nëse maturantët konstatojnë gabime në korrigjim, ata mund të drejtohen në shkollën e tyre për të ndjekur procedurat për rivlerësimin e testit në datën 3 Korrik 2023”, shkruan ministrja Evis Kushi
