Investigimi i CNN: Dëshmi satelitore, izraelitët kryen varrosje me buldozer pa asnjë mundësi identifikimi të palestinezëve të vrarë

Sipas një investigimi të fundit të CNN, trupa të palestinezëve që humbën jetën pranë kufirit Zikim, gjatë përpjekjeve për të marrë ndihma humanitare, mund të jenë zhdukur pas vdekjes. Mendohet se ata janë varrosur në mënyrë jo të identifikueshme, pa njoftuar familjarët dhe pa kryer asnjë dokumentim.

Sipas CNN, dëshmitarë, pamje video dhe imazhe satelitore tregojnë se trupat e  viktimave janë groposur me buldozerë në vense të panjohura, ndërsa në raste të tjera mbetjet janë lënë të ekspozuara në hapësira të hapura.

Një ndër të zhdukurit është një burrë që kishte shkuar për të marrë një paketë miell për familjen dhe nuk është kthyer më. Më pas u gjet telefoni i tij në tokë, por jo trupi.

Një informator anonim brenda ushtrisë izraelite ka thënë për CNN se në fillim të vitit 2024 janë groposur në mënyrë të fshehtë të paktën 9 persona. Vendi i varrosjes u la pa shenja identifikimi.

Sipas ekspertëve ligjorë, ky lloj “trajtimi i paligjshëm i trupave”, me groposje të fshehtë ose hedhje në varreza anonime, mund të përbëjë shkelje të rënda të së drejtës ndërkombëtare madje mund të konsiderohet krim lufte.

Për familjet e të zhdukurve, investigimi i CNN heq atë pak shpresë që kishin për të varrosur të afërmit e vrarë me dinjitet.

o.p. / dita