Iraku është ofruar luajë rolin e ndërmjetësuesit mes Ukrainës dhe Rusisë, për t’i dhënë fund luftës. Ministri i Jashtëm ukrainas, Dmitro Kuleba ka vizituar Irakun për herë të parë që nga fillimi i luftës me shpresën për të fituar mbështetje diplomatike.
Bagdadi ka propozuar një armëpushim dhe ka ofruar të ndërmjetësojë mes Kievit dhe Moskës për t’i dhënë fund konfliktit. Por, kryediplomati i Ukrainës këmbëngul se vendi i tij nuk do të përfshihet në bisedimet e paqes nëse Rusia nuk tërhiqet nga territori i saj.
Iraku “ka përvojë në komunikim me vendet që kanë tension mes tyre” dhe “është i gatshëm të jetë në shërbim të paqes”, tha ministri i jashtëm i Irakut Fuad Hussein në një konferencë shtypi në kryeqytet.
Kuleba tha se Ukraina e sheh “Irakun si një vend që është i aftë të ndërtojë ura”, por tha se ishte e rëndësishme të theksohet se “Ukraina dëshiron paqen dhe Rusia dëshiron luftë”.
“Ne kemi nevojë që Rusia të pajtohet me një fakt shumë të thjeshtë se ajo duhet të ndalojë luftën dhe të tërhiqet”, shtoi ai.
m.b./dita
Today in Baghdad, I met with Iraq’s Foreign Minister, Fuad Hussein, to open up new opportunities in relations between Ukraine and Iraq. We discussed practical steps to enhance cooperation in the areas of political dialogue, trade, investments, digitalization, and education. pic.twitter.com/Hdp3JnQJes
— Dmytro Kuleba (@DmytroKuleba) April 17, 2023
