Ish-kampionia e peshëngritjes shqiptare, Fetie Kasa, e cila prej disa vitesh militonte në radhët e uniformave blu, është dorëhequr nga Policia e Vlorës, ku ishte roli bazë në trupën “Shqiponja”. Largimi është bërë rreth një muaj më parë dhe sipas burimeve, e gjitha lidhet me pakënaqësitë ndaj një operacioni ku grupit të “Shqiponjave”, përfshirë Fetie Kasa, u iku nga duart Inez Hajrulla, një person me precedentë penale dhe disa miq të tij. Ngjarja është mbajtur e fshehtë, por mediat sot raportuan se dorëheqja lidhet me aksionin e mësipërm e që bëri bujë për rrethanat se si i shumëkërkuari që po përgatitej për atentatin e radhës u arratis.
Furgoni i “Shqiponja”-ve me 4 efektivë, ka marrë urdhër për të ndjekur dhe ndaluar një makinë që ka bërë manovra të rrezikshme në rrugë. Grupi i Fetie Kasës arritën të ndalojnë automjetin që drejtohej nga Denis Karafili, në një servis pranë lagjes “Pavarësia”. Por u gjatë përpjekjes për ta hipur në furgonin e policisë Denis Karafilin, u kundërshtuan nga disa të rinj pasagjerë në automjet, përfshirë Inez Hajrullën, shkruan “Report TV”. Të gjithë u larguan drejt ‘Ujit të Ftohtë’, tek baza e Hajrullës, lokal ‘Oslo’. Aty u desh ndërhyrja e FNSH dhe Opracionales, të cilën gjetën në lokal, armë dhe radio policie, arrestuan Denis Karafilin, por nuk mundën të gjejnë Inez Hajrullën dhe 3 të tjerët, të cilët u shpallën në kërkim nën dyshimin se janë pjesë e një grupi kriminal. Burimet thanë se Fetie Kasa dhe efektivët e tjerë kanë pretenduar në deklarime se nuk arritën ta ndalojnë fare automjetin, duke mohuar që i dyshuari u kishte ikur nga duart, ndërkohë që oficerët e Krimeve kanë deklaruar se ka pasur konfrontim fizik mes uniformave blu dhe të rinjve, që edhe ata janë me precedentë penalë e tashmë të shpallur në kërkim.
