Njëzetë e dy shtetas të huaj u betuan para kryebashkiakut të Tiranës, Erion Veliaj, për besnikëri ndaj Shtetit Shqiptar dhe respektimin e Kushtetutës e të legjislacionit të Republikës së Shqipërisë, duke marrë zyrtarisht edhe nënshtetësinë shqiptare, mes tyre edhe deputeti Avdullah Hoti.
Gjatë ceremonisë së betimit, kryebashkiaku Veliaj tha se qyteti i Tiranës është i destinuar të rritet.
“Në këto 102 vjet si Kryeqytet ne kemi pasur një eksperiencë të jashtëzakonshme – nisi si një qytezë e vogël, kurse sot është edhe Kryeqyteti Europian i Rinisë. Qyteti vjet u rrit me 32 mijë banorë, ose ndryshe 10 mijë apartamente dhe 10 mijë makina. Tirana është një qytet, i cili vetëm rritet dhe shërbimet ndaj qytetarëve kërkojnë standardet që kemi vendosur këto vite”, deklaroi ai.
Teksa vlerësoi shtetasit më të rinj për zgjedhjen që kanë bërë, Veliaj u shpreh se marrja e shtetësisë shqiptare duhet konsideruar si një mision për progres dhe për të çuar përpara ambiciet e vendit tonë.
Ai nënvizoi se ndonëse Shqipëria është një vend i vogël, ajo jep një kontribut të rëndësishëm.
“Një pjesë e madhe e vëllezërve dhe motrave që bashkohen sot me shtetësinë e re, janë nga Kosova dhe kanë shumë të freskët plagën dhe gjithë tragjedinë e luftës. Rëndësia për të pasur qytete progresive, qytete me mendje të hapur, qytete ku ne gjejmë arsyet që na bashkojnë, jo të shikojmë dallimet që kemi me njëri-tjetrin, janë qytetet e të ardhmes! Ndaj, më vjen mirë që sot, 22 shtetas të rinj i bashkohen qytetit tonë, shtetit tonë, edhe misionit tonë për një Shqipëri që bën progres, edhe për një vend që modernizohet dita ditës”, theksoi kreu i Bashkisë.
Pas leximit të formulës, 22 shtetasit nga Kosova, SHBA-të, Egjipti, Turqia dhe Siria, nënshkruan edhe aktin e betimit.
o.j/dita
Kur ky batakci i shitur Kryebashkiak, flet per qytete progresiste, nenkupton qytete Tirranie per skllever, ku c’do gje do te monitorohet 24-ore per c’do individ, Ku do te jesh i limituar ne levizje ne zona te kuqe e te gjelbra, ku nuk ke te drejte te kesh as Makine, as biznes dhe as prone private, ku c’do njeri do te paguaj taksen e Dioksidit te Karbonit vetem sepse merr fryme, ku do te haje bubureca e insekte e do ndalohet mishi, bulmeti peshku e proteinat, ku nuk do te kesh asnje te drejte njerezore, sepse do te mbajne biografine e sjelljes sipas standarteve te tyre diktatoriale te cilat do ti lidhin me nje lloj paraje Crypto Dixhitale te centralizuar. Po nuk ju pelqeu sjellja jote, do te fikin llogarine e nuk do te blesh e shesesh dot asgje.
Kjo eshte e ardhmja qe duan per ju dhe femijet tuaj, keto monstra tirranike progresiste, te shitur te axhenda 2030 e pronareve te tyre Globaliste te kultit financiar. Keta jane me tradhetaret me monstrat dhe me maskarenjte, qe pasur ndonjehere historia e Shqiperise.