Polonia do të kërkojë shpjegime se si ish-ministri i Drejtësisë Zbigniew Ziobro, i cili akuzohet për abuzim me pushtetin, arriti të udhëtojë nga Hungaria në Shtetet e Bashkuara, njoftoi një zëdhënës i Ministrisë së Jashtme polake.
Varshava shpresonte që pas largimit nga pushteti të Viktor Orban, i cili i kishte ofruar azil Zbigniew Ziobro dhe zëvendësministrit të tij Marcin Romanowski, dy të pandehurit do të ekstradoheshin në Poloni për t’u përballur me akuzat.
Autoritetet polake ua kishin konfiskuar të dy pasaportat. Vendndodhja e Romanowskit është e panjohur.
“Ne do t’u kërkojmë si SHBA-ve ashtu edhe Hungarisë kuadrin ligjor dhe faktet aktuale të largimit të Zbigniew Ziobro-s nga territori hungarez”, tha zëdhënësi.
“Dhe konkretisht, cili është dokumenti që i lejoi atij të kalonte kufirin dhe i dha të drejtën të hynte në Shtetet e Bashkuara. Shpresojmë që kjo situatë të zgjidhet dhe të mos ndikojë në marrëdhëniet e mira midis Shteteve të Bashkuara dhe Polonisë.”
Zbigniew Ziobro është larguar nga Hungaria dhe ndodhet në Shtetet e Bashkuara, sipas raportimeve të mediave të huaja.
j.l./ dita
