Ish-prokurori i Krimeve të Rënda, Eugen Beci thotë se Bulqiza është qyteti që zë vendin e parë për konsumin e kanabisit. Në një intervistë televizive, Beci tha se problemi nis nga kultivimi i madh i kanabisit në Shqipëri. Sipas tij, numri i shqiptarëve në Ekuador është rritur ndjeshëm.
“Në Ekuador ka një lëvizje të shqiptarëve nga 3 mijë në 7 mijë aktualisht. Çfarë bëjnë ata aty? Në fillimin gjejnë tregun. Janë ofrues të ndihmës së organizatave të rëndësishme kriminale. Kanë qenë garantues të transportit të drogës. Në Shqipëri, kemi kultivim masiv të kanabisit. Kemi një problem me legjislacionin.
Kemi 32 vite që kemi emigracion. Që atëherë një person që ka lindur në Angli, Greqi, Belgjikë etj, sot është 32 vjeç. Organet ligjore shqiptare kanë zero informacion për të. Ky është problem. DEA është posaçërisht për trafikimin e kokainës. Duhet studiuar Shqipëria. Këtu, konsumi i kokainës në raport me numrin e Bulqizës, është më i lartë në Bulqizë. Bulqiza zë vendin e parë në vend”, tha ish-prokurori Beci.
m.b./dita
