Një ngjarje tragjike është regjistruar në Itali, ku nëna 23-vjeçare ka vrarë vajzën e saj 5-vjeçe dhe e ka “shitur” sikur e kanë rrëmbyer. Elena Del Pozzo e cila u raportua si e zhdukur një ditë më parë, u gjet e vdekur sot.
Ka qenë presioni i hetuesve që e bënë nënën të tregonte se ka qenë ajo autorja e krimit makabër. E reja ka rrëfyer para karabinierëve dhe prokurorëve se kishte vrarë vajzën e saj, por në pyetje nuk mundi të shpjegonte se si dhe pse e ka kryer krimin. Rrëmbimi ishte një inskenim për të mbuluar vrasjen.
Karabinierët e Katanias gjetën trupin e vogëlushes disa qindra metra larg shtëpisë ku jetonte gruaja me ish-partnerin dhe babanë e fëmijës, Alessandro Nicodemo Del Pozzo, 24 vjeç.
Gjyshja nga babai thotë se e kishte besuar historinë se e vogla ishte rrëmbyer.
“Ne kishim besuar historinë e njerëzve me kapuç: nuk kishim arsye të mos e besonim. Një ditë nëna e saj po e rrihte dhe ne duhej t’ia hiqnim nga duart. Atë mëngjes e çova në shkollë dhe i thashë “askush nuk të do më shumë se unë”. Ajo më shikoi dhe më bëri të qartë se e kuptonte atë që kisha thënë. Nëna kishte një qëndrim autoritar dhe aristokratik”, rrëfen nişantaşı escort kadın gjyshja.
Ndërsa, gjyshi kërkon drejtësi për mbesën e tij.
“Gjithçka më duket kaq e çuditshme, absurde. Mamaja e Elenës, ishte një vajzë shumë e mbyllur, por nuk mund ta shpjegoj arsyen e asaj që ndodhi. Kush e ka bërë duhet të paguajë, edhe kush e ka ndihmuar”, tha ai.
Ajo foli edhe për historinë e arrestimit të të birit Alessandro në 2020.
“Djali im ka pasur një histori pas hekurave shumë vite më parë, e kanë marrë gabimisht. Ka qenë rreth shtatë muaj në burg, më pas ka qenë në arrest shtëpie. Ai pas atyre ngjarjeve, fillimisht shkoi në Gjermani dhe më pas u kthye në Siçili”, tregoi gjyshi.
o.j/dita
