Një çift shqiptar në Itali tentoi arratisjen nga ndjekja e policisë, por në fund dështuan të shpëtonin dhe u prangosën nga karabinierët. Ngjarja ndodhi në Perugia, ndërsa kanë tentuar që të arratisen me manovra të rrezikshme me mjetin e tyre. Pasi janë pikasur nga efektivët, 28-vjeçari shqiptar që drejtonte mjetin, emri i të cilit nuk u bë i ditur, ka tentuar që të largohet me shpejtësi në korsinë e kundërt, por është ndaluar nga disa makina policie. Ndërkaq e reja që e shoqëronte, është përpjekur të shtyjë fizikisht efektivin e policisë dhe të largohet, por nuk ia ka dalë.
Nga kontrolli që u është bërë në makinë, u janë gjetur bizhuteri të vjedhura. Sakaq, ka rezultuar se 25-vjeçarja kishte edhe një urdhër dëbimi që prej 31 janarit.
