Kryetari i Partisë Demokratike, Sali Berisha u pyet nga gazetarët në hyrje të parlamentit nëse i është hequr apo jo ‘non grata’ nga Amerika, por nuk ka pranuar të flasë.
Teksa hyri në Parlament, lideri i PD u prit me duartrokitje nga deputetët demokratë.
Berisha teksa iu drejtua foltores të Kuvendit tha shkurt: Unë erdha, u krye!
Kreu i grupit parlamentar të Partisë Socialiste, Taulant Balla, deklaroi se mazhoranca ka një mandat të qartë qeverisës dhe se fokusi i saj mbetet integrimi i Shqipërisë në Bashkimin Europian.
“Po na thuhet sot këtu që protesta e ka arritur suksesin e parë dhe është hequr non grata. Kështu thatë. Madje zotrote ndryshove edhe sloganin, se ta kanë dhënë të drejtën protestuesit.
731C mbi të cilën Berisha është shpallur non grata është e vështirë të hiqet.. Por do ta komenton sapo DASH apo Ambasada të dalë me një njoftim zyrtar. Ta shisni këtë si arritje të protestës…
Ne kemi një mandat të qeverisim vendin dhe të përfundojmë integrimin në BE. Ju kemi mundur e do ju mundim më thellë në 2029”, tha ai.
Ndërkohë, Ambasada e Shteteve të Bashkuara në Tiranë nuk ka preferuar të komentojë ndryshimin e statusit të kreut të PD.
Të pyetur në lidhje me këto pretendime, Ambasada nuk jep asnjë koment dhe e referon çështjen te Departamenti Amerikan i Shtetit.
Deri tani, DASH nuk ka bërë publik asnjë vendim të ri zyrtar që konfirmon ndryshimin e masës së mëparshme të vendosur ndaj Berishës dhe familjes së tij.
j.l./ dita
Gezim i math per si main e Saliut, Edin.