Deklarata e Pasurisë: Zyrtares së lartë i dhuruan dy shtëpi në Shëngjin, pronare në 7 pasuri të paluajtshme

Ish zyrtarja e shtetit Alda Klosi është pronare dhe bashkëpronare e 7 pasurive të palujtshme dhe e një makine. Të dhënat zyrtare mbi pasuritë e zonjës Klosi, e cila ka punuar si shefe e kabinetit të ish zv. Kryeministrit Arben Ahmetaj, thonë se ajo është pronare e dy apartamenteve në Shëngjin me sipërfaqe 94 m2 dhe dhe 42 m2.

Nga të dhënat e siguruara, është bërë pronare e pasurive në tetor 2021 me kontratë dhurimi. Nuk dihet se kush dhe në çfarë rrethanash dy apartamentet i janë dhuruar Klosit.

Alda Klosi është bashkëpronare me Altin Klosin i një apartamenti 72 m2 në Tiranë si dhe i një tjetër apartamenti 47 m2 në Tiranë. Ish zyrtarja e shteti është gjithashtu bashkëpronare e një tjetër apartamenti në Tiranë me sipërfaqe 50 m2.

Klosi është bashkëpronare edhe e dy sipërfaqe trualli në Tiranë 216 m2 dhe 160 m2.

42-vjeçarja Klosi doli në vëmendjen e medias dhe opinionit publik pas arrestimit të një pastruseje dhe djalit të saj, akuzuar për vjedhje.

i.b. / dita