Një efektiv i RENEA-s është arrestuar nga Policia e Tiranës. Altin Morina u kap nën shoqërinë e një personi që dyshohet i përfshirë në atentatin “Don Bosko”, ku një grua humbi jetën dhe gjashtë të tjerë u plagosën, por emri i tij nuk u publikua për shkak të sekretit hetimor dhe është marrë në pyetje për ato që ka dijeni apo edhe alibinë për momentin e sulmit. Në automjet është gjetur një sasi e konsiderueshme parash, të paktën 100 mijë euro cash, të futura në qese. Aksioni u bë në zonën e “Kodrës së Diellit” në Tiranë. Inteligjenca informative ka çuar blutë drejt kolegut të tyre të dyshuar, që tashmë do japë shpjegime pse shoqërohej me një kontingjent dhe burimin e shumës së konsiderueshme të valutës. Mes të tjerat u kapën edhe 290 mijë lekë të reja dhe 80 paund. Për momentin Morina akuzohet për “shpërdorim detyre”, kurse personi me të cilin po shoqërohej është i moshës 43 vjeç.
Atentati u regjistrua mbrëmjen e të dielës në lokalin, i cili është në pronësi të Fation Muratit. Ky i fundit, edhe pse ishte në masën e sigurisë “arrest shtëpie” dyshohet se është arratisur nga Shqipëria, fillimisht në Kosovë, e më pas drejt Turqisë. Viktimë e pafajshme mbeti banakierja Mimoza Paja, si dhe u plagosën të paktën 5 persona, klientë apo familjarë të të dyshuarit Murati.
