Një jaht me vlerë mbi tetë milionë euro është mbytur të martën mbrëma, më 11 gusht, në ujërat e Costa Smeralda-s, mes ishullit të Cappuccini-t dhe Capo Ferro-s.
Bëhet fjalë për Angiola II, një Amer F100 prej tridhjetë metrash i dorëzuar te pronari i tij, një sipërmarrës italian, vetëm katër ditë para incidentit.
Sipas rindërtimit të ngjarjes deri më tani, një fillim zjarri në motor i ka detyruar mysafirët dhe ekuipazhin, gjithsej 14 persona, ta braktisin mjetin dhe të zhvendosen në anije të tjera që ndodheshin aty pranë. Thuajse të gjithë u shoqëruan në tokë, ndërsa pronari dhe një mik i tij pritën mbërritjen e ndihmës.
Operacionet e sigurisë po koordinohen nga anëtarët e Kapitenerisë së Portit të La Maddalena-s. Angiola II ka mbetur gjysmë e përmbytur dhe e mbështetur në njërën anë në rreth shtatë metra thellësi: rreth mbytjes janë vendosur barriera mbrojtëse (panne) për masa paraprake, megjithëse për momentin nuk rezulton të ketë rrjedhje karburanti.
Zona do të mbetet nën vëzhgim në pritje të rimorkiatorit të një kompanie të specializuar të ngarkuar për ta kthyer trupin e anijes në breg. Ndërkohë, po vazhdojnë verifikimet për të përcaktuar me saktësi dinamikën e incidentit dhe shkaqet që çuan në mbytje.
n.s. / dita
Ai që e ka blerë 8 milion dollarë , ka edhe 500 milion të tjera dhe e ble një tjetër të ri .