“Jam i gatshëm të flas, por në një moment të dytë. Më ka ndodhur një problem familjar”! Kështu ka deklaruar Erion Alibej para GJKKO-së në lidhje me vrasjen e Emiljano Ramazanit.
Kjo është e disata herë që Alibej përdor këtë pretekst.
Gjatë seancës në GJKKO, gjyqtarja i kujtoi atij se qëndrimi është i njëjtë me atë të disa muajve më parë, por Alibej insistoi, se një problem familjar sapo i kishte ndodhur.
Kërkesa e tij u pranua edhe nga prokurori që bëri thirrje gjykatës që ti jepej mundësia të dëshmonte në një moment tjetër.
Përveç kësaj, në GJKKO, dhanë deklarimet e tyre edhe dy dëshmitar, babë e bir, Latif e Mariglen Daka që konstatuan të parët trupin e pajetë të Regis Runajt.
Sipas tyre, ka qenë pikërisht djali i pari që kishte konstatuar trupin dhe kishte lajmëruar të atin, ndërsa ky i fundit ishte rikthyer me Mariglenin dhe pasi panë trupin, njoftuan Policinë.
j.l./ dita
