Japonia ka ekzekutuar një 39-vjeçar që vrau shtatë persona në Tokio në vitin 2008 gjatë një sulmi me thikë, kanë raportuar mediat lokale.
Tomohiro Kato kreu një nga vrasjet më tronditëse në historinë e vendit, shkruan BBC.
Ai ishte 25 vjeç kur futi një kamion në një turmë këmbësorësh në zonën tregtare Akihabara, duke vrarë dhe më pas goditur me thikë kalimtarët.
Tomohiro Kato u kap nga policia në vendngjarje dhe më vonë pranoi krimet e tij në gjyq, duke thënë se ishte zemëruar nga bullizmi në internet.
Krimi i tij ndezi shumë debate në shoqërinë japoneze në atë kohë mbi vrasjet e rastësishme, ndikimin në internet dhe dështimet në mbështetjen e shëndetit mendor për të rinjtë.
a.d. / dita
