Jennifer Aniston ka zbuluar në rrjetet e saj sociale një trajtim kundër plakjes që nuk ka lënë askënd indiferent. Aktorja amerikane ka ndarë me ndjekësit e saj një metodë për të luftuar plagën e moshës, pasi ky trajtim i lejon asaj të ketë një fytyrë në gjendje perfektë, në moshën 54-vjeçare.
Megjithatë, trajtimi ka një komponent të pazakontë dhe të habitshëm, siç e ka siguruar ajo në një intervistë për ‘The Wall Street Journal’. Protagonistja e ‘Friends’ komenton se estetistja e saj rekomandoi një trajtim me spermatozoidet e salmonit, shumë i dobishëm për të arritur rininë e shumëpritur të përjetshme të Hollivudit.
Fillimisht i thashë: “E ke serioz, si e merr spermën nga salmoni?”, tregon ajo. Aniston ka dashur të nxjerrë në pah këtë trajtim, për shkak të avantazheve të mëdha që paraqet kjo teknikë pa kaluar nëpër sallën e operacionit. Kjo teknikë vjen nga Koreja e Jugut dhe konsiston në nxjerrjen e semenit dhe molekulave të ADN-së, që përftohen përmes acidit hialuronik.
“Është një nga metodat jokirurgjikale të përtëritjes së lëkurës, ku përdoren molekulat e ADN-së të marra nga acidi hialuronik dhe sperma e salmonit”, shpjegon aktorja. Sipas Bibliotekës Kombëtare të Mjekësisë: “Ky lëng i spermës së salmonit rikthen elasticitetin e lëkurës, riparon barrierat e lagështisë dhe ndihmon në minimizimin e inflamacionit”.
